طال الغياب ومن البعد بتعذب

آه ياطول الغياب
وآه ياحلم السراب
يادموعي ... ياغلا عيني
كم تذوقتك ليالي
وياعيوني ... اتركي نزفك و نامي
قلت لك ...
أني تعبت وأنا أطلبك
يكفي تهلين الدمع ...!!
ياعيوني
أحرقتني دمعتك
ودموع حزنك مايوم كانت
باردة ..!!
تعال ياحزني هنا ...
أبنثرك
وبأتركك
وأرحل بدون أودعك ...
وأعلمك
قبل أهجرك ..!!
أن الفرح في دنيتي
رسمة أمل
وحب ارتسم في
مهجتي لو ما اكتِمل !
وأيمان بالله قبلهم
و أعلمك
عن غائبٍ ..!!
هو وطن قلبي البعيد
وغصن وردي والشذى ...
واعلمك
إنّ الفرح يسكن سماه
وأن دمعي يذكره ...
وأني أنا اللي أشتقت له ...
ماقلت لك
طال الغياب
وكل شيء حولي سراب
ياحزن قلبي أستاذنك ...
تنفس الصبح
و هذا الحرف أشرق
والجو هادي
وقطر الندى ماأعذبه
وخيوط الشمس تجمع أمانينا !
وهذا أنا ..
بأرسل صدى صوتي
و يمكن يسمعه ..!!
ياغائب عني أنا..
هذا الزمان ... وهذا المكان ...
وهذي تفاصيل الغياب ..
وأنا هنا
أشتقت لك
أشتقت للهمسات من عطر الحضور وضحكتك
أشتقت لك
ولطيب قلبك في ربيع الأمنيات ونظرتك ..
في القلب إنت .. وفي النواظر مسكنك ...
وينك تعال ...
طال الغياب ...
وأنا قتلني هالسراب ..!!
يادمعتي كيف أطلبك ...!!
ويا حزن قلبي كيف أنا
بأنساك يوم وبأهجرك ...!!
اميرة المنتدى